இன்று 16.11.2021 செவ்வாய்க்கிழமை இந்த வடகிழக்கு பருவமழைகாலத்தில், மாணவர்களின் நலன்கருதி, எங்கள் பள்ளியில் படிக்கும் 68 மாணவர்களுக்கு குடைகள் வழங்கி சிறப்பித்த, திருத்துறைப்பூண்டி ஹரிஷ் தங்கமாளிகை உரிமையாளர் திருமதி லட்சுமி கிருஷ்ணன் அவர்கள் குடும்பத்தினர்களுக்கு எங்கள் பள்ளியின் சார்பாக மனம் நிறைந்த வாழ்த்துகளையும், நன்றியையும் மனமகிழுவுடன் தெரிவித்துக்கொள்கிறோம். மேலும் இந்நிகழ்வை சிறப்பு சேர்த்தும்,தன்னார்வலர்களை பாராட்டியும், மாணவர்களுக்கு தக்க அறிவுரை வழங்கிய வட்டாரக்கல்வி அலுவலர் திரு. தாமோதரன் அவர்களுக்கும், பெற்றோர்களுக்கும், ஊர்மக்கள் அனைவருக்கும் பள்ளியின் சார்பாக நன்றியை மீண்டும் தெரிவித்துக்கொள்கிறேன்.

 

01.11.2021 பள்ளி திறப்புவிழா நிகழ்வுகள்.

           01.11.2021திங்கட்கிழமைஎம்பள்ளியில்பயிலும் (65 மாணவர்கள்) மாணவர்களுக்கு பள்ளிக்கு அருகில் உள்ள ஆகாச மாரியம்மன் ஆலயத்தில் அம்மனுக்கு அபிஷேக ஆராதனை செய்து, மாணவர்களுக்கு பரிவட்டம் கட்டி, மேளதாளம் முழங்க ஊர்வலமாக பள்ளியின் பெற்றோர் ஆசிரியர் கழக தலைவர் மற்றும் உறுப்பினர்கள், பள்ளி மேலாண்மைக்குழு தலைவர் மற்றும் உறுப்பினர்கள், சத்துணவு அமைப்பாளர் மற்றும் சமையலர், முன்னாள் மாணவர்கள், என்னுடன் 18 ஆண்டுகளுக்கு முன்பு பணியாற்றி ஓய்வு பெற்ற ஆசிரியர் திரு. காளிமுத்து ஆசிரியர் (திருவாரூர்), ஊர் பொதுமக்கள் முன்னிலையில் பள்ளிக்கு அழைத்து வந்த நிகழ்வுகள்.. மேலும் இந்நிகழ்வு சிறக்க அனைவருக்கும் (சுமார் 300 நபர்களுக்கு) உணவு வழங்கிய திரு. அன்பழகன் அவர்கள் குடும்பத்திற்கும், மாணவர்களுக்கு மாஸ்க் மற்றும் மலர்மாலைகள் செலவுகளை ஏற்றுக்கொண்ட பெற்றோர் ஆசிரியர் கழகத்தலைவர் திரு. து.இரவீந்திரன் அவர்கள் குடும்பத்திற்கும், மேளம் நாதஸ்வரம் வாசிக்கும் செலவை ஏற்றுக்கொண்ட திரு.சீனுவாசன் அவர்கள் மற்றும் திரு.இளங்கோவன் அவர்கள் குடும்பத்திற்கும், மாணவர்களுக்கு டைரி வழங்கிய திரு.இராமச்சந்திரன் அவர்கள் குடும்பத்திற்கும், இப்பள்ளியின் முதல் புரவலராக ரூ.5000 வழங்கியிருந்த நிலையில் இன்று புரவலர் நிதியாக மேலும் ரூ20,000 காசோலை வழங்கியும் அனைத்து மாணவர்களுக்கும் டை மற்றும் பெல்ட் வழங்கிய திரு.இரா. கிருஷ்ணமூர்த்தி தலைமையாசிரியர் அவர்கள் குடும்பத்திற்கும், பெற்றோர் ஆசிரியர் கழகம் மூலம் வசூல் செய்து ரூ.16500 செலவில் EPSON M205 PRINTER வழங்கிய ஊர்மக்கள் அனைவருக்கும், அனைத்து மாணவர்களுக்கும் நோட்டு பென்சில் இரப்பர் ஸ்கேல் பேனா வழங்கிய அத்தியாயம் அறக்கட்டளைக்கும், மாணவர்கள் அனைவருக்கும் கொரோனா தடுப்புப்பொருட்கள், மாஸ்க் மற்றும் பிஸ்கட், சுத்திகரிக்கப்பட்ட குடிநீர் பாட்டில் வழங்கிய திருமதி. வசந்தா சித்திரவேல் ஆசிரியர் குடும்பத்திற்கும், இந்நிகழ்வுகளை எந்த பிரதிபலன்பாராமல் புகைப்படம் மற்றும் வீடியோ எடுத்துக் கொடுத்த மருதூர் தெற்கு கடைத்தெருவில் அமைந்துள்ள நிலா ஸ்டுடியோ உரிமையாளர் திரு.கலிதீர்த்தான் அவர்கள் குடும்பத்திற்கும், இந்நிகழ்வுகளில் பங்குபெற்ற அனைவரும் அமர்வதற்கு நாற்காளி மற்றும் ஜமுக்காளம் வழங்கிய எம்பள்ளியின் சத்துணவு அமைப்பாளர் திரு. இராமமூர்த்தி அவர்கள் குடும்பத்திற்கும் மாணவர்கள் அனைவருக்கும் தீபாவளி இனிப்பு பாக்ஸ் வழங்கி சிறப்பித்த தாணிக்கோட்டகம் நண்பன் இனிப்பகத்தின் உரிமையாளர் குடும்பத்திற்கும் எங்கள் பள்ளியின் சார்பாக மனம் நிறைந்த வாழ்த்துக்களையும், நன்றியையும் மனமகிழ்வோடு தெரிவித்

துக் கொள்கிறோம். மேலும் இப்பள்ளியில் 65 மாணவர்களுடன் ஓர் ஆசிரியராக நான்மட்டும் பணிபுரியும் நிலையில் வந்திருந்த ஒவ்வொருவரும் தங்கள் வீட்டு விழாவாக எண்ணி செயல்பட்டதால் இவ்விழா சிறப்புற்றது. அனைவருக்கும் மீண்டும் ஒருமுறை அல்ல பலமுறை எனது நெஞ்சம் நிறைந்த நன்றியை சொல்லிக்கொண்டே இருக்கவேண்டும்.. நன்றி! நன்றி!! நன்றி!!!நன்றி!!!