எங்கள் பள்ளி இரண்டாம் வகுப்பு மாணவன் ச.சுஹாஷன் 29.07.2019 அன்று தன்னுடைய பிறந்தநாளை புத்தாடை உடுத்தாமல், கேக் வெட்டி கொண்டாடமல், சாக்லெட் கொடுக்காமல் தன்னுடைய சகமாணவர்களுக்கு நோட்டுகளும், ஆசிரியர்களுக்கு பேனாக்களும், தன்னுடைய நண்பர்களுக்கு நோட்டுகளும் வழங்கி தன்னுடைய பிறந்தநாளைக் கொண்டாடினார்.. அந்த 7 வயது மாணவனின் செயல் எங்களையும் அவர்களின் பெற்றோர்களையும் அவனது உறவினர்களையும் பெரும் மகிழ்சியடைய செய்தது. அந்த மாணவனின் செயலால் எங்கள் பள்ளி பெருமையடைகிறது. அந்தமாணவன் எல்லா வளமும் நலமும் பெற்று பல்லாண்டு காலம் நீடூழி வாழ அவனது பிறந்தநாளில் மனம் நிறைந்து வாழ்த்துகிறோம். வாழ்க வளமுடன் ….

26.07.2019 எங்கள் பள்ளியின் இரண்டாம் வகுப்பு மாணவி ச. ஸ்ரீநிதியின் பிறந்தநாள் விழா பள்ளியில் சிறப்பாக கொண்டாடப்பட்டது. மாணவியின் பிறந்தநாள் பரிசாக எம் பள்ளிக்கு சுவர் கடிகாரமும் புரவலர் நிதியாக ரூ 1000. மாணவியின் பெற்றோர்களால் வழங்கப்பட்டது. மாணவியின் பெற்றோர்களுக்கு பள்ளியின் சார்பில் நன்றியை தெரிவித்துக்கொள்கிறோம்.

கோயம்புத்தூர் தாய்த் தமிழ் அகாடமி மற்றும் வாழ்வின் தொழில் மாத இதழ் இணைந்து நடத்தும் கல்வி சுகாதாரம் மாணவர் நலன் மற்றும் ஏழை எளிய மக்கள் நலன் போன்ற மக்கள் நல சேவையை பாராட்டி எங்கள் பள்ளி ஆசிரியர் க.சுப்பிரமணியன் அவர்களுக்கு 03.03.2019 அன்று கோயம்புத்தூர் காந்திபுரம் ஹோட்டல் புளூ ஸ்டாரில் கல்விச் சுடர் விருது. வழங்கப்பட்ட நிகழ்வு. விருது வழங்க பரிந்துரை செய்த முகநூலில் அறிமுகமான தம்பி பிரகாஷ்(விடியல் தொண்டு நிறுவனம்)அவர்களுக்கும் தாய்த் தமிழ் அகாடமியின் நிறுவனர் சு. பால்ராசு மற்றும் வாழ்வின் தொழில் மாத இதழ் தாய்த் தமிழ் அகாடமி நிறுவன பொறுப்பாளர்களுக்கும் எங்கள் பள்ளியின் சார்பில் மனம் நிறைந்த நன்றி! நன்றி!! நன்றி!!!

துபாயில் பணி புரிந்தாலும் அரசுப்பள்ளியின் வளர்ச்சியில் முக்கியப் பங்கு வகிக்கும் மதிப்புமிகு ஐயா திரு.இரவி சொக்கலிங்கம் அவர்கள் எங்கள் பள்ளி துப்புரவு பணியாளர் ரெத்தினம் அவர்களுக்கு அனுப்பிய பொங்கல் பரிசு சேலை ஒப்படைக்கப் பட்டது.. அதற்கு உதவிய கணபதி சார், சகோதரி லதாபாலாஜிக்கும் எங்கள் பள்ளியின் சார்பிலும் தொடக்க கல்வித்துறை சார்பிலும் மனம் நிறைந்த நன்றி! நன்றி!!நன்றி!!!

14/11/2018 இன்று எங்கள் பள்ளியில் குழந்தைகள் தின விழா கொண்டாடப்பட்டது. இவ்விழாவிற்கு வாழ்த்து மடல்கள் அனுப்பிய உயர்திரு ஐயா ரவி சொக்கலிங்கம் அவர்களுக்கு மிக்க மகிழ்ச்சி கலந்த நன்றியை குழந்தைகள் சார்பிலும் தலைமை ஆசிரியர் மற்றும் ஆசிரியர்கள் சார்பிலும் மிக்க நன்றியை தெரிவித்துக் கொள்கிறோம்..

14/11/2018 இன்று எங்கள் பள்ளியில் குழந்தைகள் தின விழா கொண்டாடப்பட்டது. இவ்விழாவில் மாணவர்களுக்கு சித்தா மருத்துவர் திருமதி கவிதா அவர்கள் மாணவர்களுக்கு குழந்தைகள் தின வாழ்த்துகள் கூறி நினைவு பரிசு வழங்கி நிலவேம்பு குடிநீர் வழங்கிய நிகழ்வுகள். அவர்களுக்கு மிக்க மகிழ்ச்சி கலந்த நன்றியை குழந்தைகள் சார்பிலும் தலைமை ஆசிரியர் மற்றும் ஆசிரியர்கள் சார்பிலும் மிக்க நன்றியை தெரிவித்துக் கொள்கிறோம்..